Téacsanna ó Hilary

Sin a bhfuil.

An Conradh Cobhsaíochta

Is maith liom a fheiceáil go bhfuil grúpaí feachtais ar nós an suímh Stabilitytreaty.ie, suíomh Gréasáin a sheol an Taoiseach le deirneas, sásta airgead poiblí a chur ar leataobh agus fiseán spreagúil maidir leis an gConradh Cobhsaíochta a phoibliú.


Léirítear na gnéithe is tábhachtaí den Chonradh sa bhfiseán cé go dtabharfaidh an géarshúileach faoi ndeara nach bpléitear gach ábhar suntasach dá bhfuil sa Chonradh.


Gan bheith ag leagan mórán béime ar chúrsaí Ghaeilge... ach... bheadh sé ina bhuntáiste dá ndeanfaidís an lucht thall i Merrion Street iarracht macánta chun an leagan Gaeilge dá shuíomh a choinneáil suas chun dáta... Beidh le feiceáil!


Breathnaigh ar an bhfiseán ar dheis!


Foinse: Youtube

An bhfuil tú ceart go leor?

Chuir chara liom lamh ina bhás féin an deireadh seachtaine seo caite. 


Má cheapann tú go mb'fhéidir go bhfuil fadhb ag duine nach féidir leis/leí a réiteach agus atá ag cur an iliomad brú air/uirthi, ná bí leisc suí síos leo agus a rá leo:


- Táim anseo más maith leat labhairt liom faoi ábhar ar bith a d'fhéadfadh a bheith ag cur isteach ort.

Boogie boogie

íomha: Menshealth

Sin a bhfuil.

Tá sé i gceist ag beirt fhear ó Átha Cliath 126km a rith chun feasacht maidir leis na Cluichí Oilimpeacha Speisialta a spreagadh. Tá go maith a deir tú ach samhlaigh go raibh tú le dul 126hm a rith in aon iarracht amháin agus ní dócha go mbeifeá chomh réchúiseach faoi! Beirt fhear atá aclaí go leor ach, mar a deir siad féin, ní ar mhaithe lena sláinte atá siad á dhéanamh seo. Is maith an rud é carthanacht a spreagadh agus a chothú srl srl ach chun an fírinne a insint táim in éad leo.

Táim ag déanamh iarrachta meachán a chailleadh ar feadh cúpla bliana ar feadh mo shaoil. Dá bhféadfainn rud amháin a dhéanamh ba bhreá maratón a rith. Tá neart anseo sa Bhruiséil a ritheann an Brussels 20k, dlúthcairde liom ach go háirithe. Is cinnte go mbeidh mé ann ag an gcríochlíne chun misneach a thabhairt dóibh ach an mbaileoidh mé an oiread sin misneacha riamh agus marathón a rith?

Idir an dhá linn, beidh mé ag coinneáil súil ar an scéal seo - guím gach rath orthu!

Beoir-intinneach

Tá an t-am sin den bhliain tagtha inar féidir le muintir na Beilge súp a bhaint as an lá arís - tá an an samhradh buailte linn agus tá ghrian ag taithneamh (mórán mór...).

Is breá liom ócáidí ina bhfuil cáis agus beoir ar fáil go flúirseach iontu. Mar sin, chuir mé tús leis an samhradh b'fhéidir seachtain ó shin i bPlace Flagey nuair a shlog mé siar an chéad ghloine beorach in éindí le bheirt bhan álainn ón tSlóivéin.

Is breá liom an bheoir (tut tut!) ach tá sí deich n-uaire níos blasta le cáis agus 'piobar na Bruiséile' mar a thugann cara liom air - nó salann soilire.

Is trí sheans a léigh mé blag dar teideal Add an Egg ina dtugtar treoracha d'oideas traidisiúnta na Beilge: le Pottekeis.

Le what, a deir tú? Níor chuala mé trácht riamh air ach an oiread ach, de réir dealraimh, itear go minic anseo é.


Ar a laghadh, beidh mé ag súil le tabhairt faoin meascán de bheoir is cháis seo a thriail théis mo scrúdaithe ag deireadh na míosa seo chugainn...